سبب تأخر الطلبة عن المحاظرات

اتى فصل الصيف محملاً بكل ما لديه من حراره و دفء

درجه الحراه تقارب 50 و تتصاعد يوما عن يوم و الحمد لله

و بدأ الفصل الصيفي و بدأ المجاهيدون في طلب العلم يجاهدوا لرفع رايه العلم

و لكن ألا يكفي لهؤلاء الطلبه قساوة الجو حتى يهلوا عليهم بالصعاب

معاناة طلبة الجامعات في الكويت ( مواقف السيارات / زحمه السير / الحوادث التي يصادفونها بالطريق )

ر بي لك الحمد في الفصل الصيفي تقل زحمه السير لانه فصل العطل

و الحوادث (عسى الله يكافينا شرها و يسوقون الناس بكل هدووء ان شاء الله )

لكن مواقف السيارات هذي شنو حلها ؟؟؟؟

و بالاخص مواقف الكليات

في كليات ما فيها مواقف كافيه فالحل يكون صعب شوي

لكن بالمقابل في كليات موفر المواقف لكن

هالشكوى ما زالت مستمرة

لكن للأسف ان شكوى المواقف سببها الطلبه نفسهم !!

1- الطلبه الي يوقفون في موقف و نص ( يحرمون بقية الطلبه في انهم يوقفون سيايرهم )

2- و لا الطلبة الي يوقفون سيايرهم بالعرض ( شنو هذا بالله احجز الموقف و لا شنو ؟؟)

هذا بالنسبة للطلبة الي يسوقون

انزين و الي ما يسوقون هل يساهمون في هالمشكله ؟؟؟

أكيد يساهمون

بكل بساطه الطلبه الي السواق يوصلونهم سبب في 50% او 60% من المشكله في بعض الكليات

خصوصا في كليه الآداب

بكل بساطه

السايق يوقف بجانب البوابه أو أمامها بالضبط ( لكن في منتصف الطريق حتى لا يمر اي كان )

ينزل الطالب/ة

و ياخذ ما بين 2-5 دقايق

حتى ينزل من السيارة فقط !!

و الطلبه الي واقفين بالزحمه ( التي سببها هذا الطالب/ة )

ما عندهم اي وقت يضيعونه محاظراتهم راح تبدأ

فيوقفون سيارتهم اي مكان صح غلط المهم يوقفون علشان يقدرون يحلقون على محاظراتهم

و هالشي يسبب زحمه

و الشي الثاني ان السايق بعد ما ينزل ( الطالب/ة)

يوقف سيارته في اول صف من المواقف

و يصكر سيارته و ينزل يسولف مع بقية السواق

الي استحلوا الصفوف الأولى من مواقف الطلبة

و السايق ما يتحرك الا ان رن المنبه عنده ان الطالب/ة

خلصو من محاظراتهم

فيحرك و يتوجه للبوابة و يوقف

يترقب قدومهم

و قدومهم ابطء من نزلتهم

ان كانو يستغرقون 2-5 دقايق

بالصعدة من 5-6 دقايق

يعني عسى الله يهديكم نزلوا بسرعه و صعدوا بسرعه

ما راح ينقص من عمركم

و بما ان السايق شذي شذي راح يحرك و يوقف جدام البوابه

ليش ما تقولولهم يوقفون في مواقف ثانيه غير مواقف الطلبه ؟؟

و تخلون الطلبه يوقفون قريب من اسوار الجامعة

ترى كفاية الحر

يمشون مسافات من موقفهم لي سور الكليه

و غير المسافات الي يمشونه داخل علشان يوصلون قاعاتهم

(ارحموا من في الأرض يرحمكم من في السماء )

آسفه على الطواله بس انا اليوم دخت يالله لقيتلي موقف

محاظرتي بكيفان قبلها ب20 دقيقه عندي محاظرة خارج كيفان

وصلت كيفان ب10 دقايق و الحمد لله

بس

5 دقايق بس على ما اقرب من البوابه

و السبب

السايق الي يوقف و نزل الطالب/ة

و كل ما اقرب يم موقف يوقف فيه سايق و ينزل و سولف مع ربعه

افتريت 3 مرات و كل ما الاقي موقف ياخذه سايق( لييييييييييييش؟؟ )

تأخرت عن محاظرتي الأولى

و السبب السواق