اعترافات

~ السلام عليكم و رحمه الله و بركاته ~ 

اليوم و بعد غيبه طويله عن " لاب توبي " قررت اني ازور مدونتي العزيزة 

و لا بواجب تدويني خفيف و لطيف يزيد عن  واجباتي العلمية و هو عبارة عن اعترافات !!

فقلت لا تأجل عمل اليوم الى الغد و اقعد اعترف لرواد مدونتي الكرام 

عاد اعترف بشنو و اخلي شنو ??!!

الصراحه ما ادري الاعترافات من اي ناحيه بالضبط 

المهم اعترافات 

اولا اشكر زٍحَ’ـمةَ حَ’ـڪيّ..||≈  صاحبة مدونه http://l0oo0ly-zahma.blogspot.com

لارسال هذا الواجب التدويني 

و من الحين الله يعينه الي راح يعترف من بعدي (موهاهاهاهاهاهاها )

نبدي بسم الله

1- أعترف اني انسانه حساسة لابعد الحدود

 و الكل يتهمني باني ام دميعه لكن ياعالم مسالكي الدمعيه ضاربه فما اقدر اتحكم فيهم فتلقونهم على طول شغالين ينزلون دموع 

الله المستعان بس

2- أعترف ان اسلوبي حاد ان انفعلت  أو عصبت و هالشي يضايق ناس وايد مني 

خصوصا اني سريعة الانفعال

3- أعترف ان الي في قلبي على لساني و ما أعرف أجامل ابدا 

فالي احبه راح يعرف اني احبه و الي ما احبه هم راح يعرف 

4- اعترف اني انسانه حنانه 

مسكين الي أحن فوق راسه (هههه)

5- أعترف أني ما أنسى الشخص الي يجرحني  الا بعد فترة طويله 

و هالشي مأزمني حبتين 

6- أعترف أني أزعل و أتضايق  من يزعل أو ياخذ بخاطرة  مني بدون لا يواجهني 

7- اعترف اني اسرح في خيالي وااااايد و أميل الى الخيال 

و اعشق قرائة القصص الخياليه 

8- اعترف اني من عشاق الفراولة ومن الممكن ان اشن الهجوم على من يتجرأ و ياخذ الفراولة مني 

( مجرمة مو طموحه بس لا تلوموني و من الحب ما قتل ) 

9- اعترف اني ما زلت متمسكة ببعض شقاولة الطفوله

لكن لا اظهرها الى بين احبتي 

10- اعترف اني لم اتوقع قط ان استمر في مدونتي 

 اعترفت وايد و الحين يتجه ضوء الاعترافات 

الى رواد المدونه  الكرام و الى كل من يقرأ هذي التدوينه 

انتم مطالبون بواجب تدويني (طبعا للي يحب )

انطر اعترافاتكم *_^

في امان الله