~ السلام عليكم و رحمه الله و بركاته ~
عيدكم مُبارك و عساكم من العايدين و الفايزين ان شاء الله
ليوم العيد نكهته الخاصه نكه تميزه عن باقي الايام
ترسم على وجيهنا بسمه اول ما نصحا من النوم
عيدكم مبارك
تنقل من غرفه لي غرفه
تبشرنا في يوم العيد
لحد ينام قومو كلكم اليوم عيد
اول ما اطلع من غرفتي التفت علي يميني
و لا عسى ربي يحفظهم
امي تاج راسي ماسكه المبخر و تبخر البيت
ابوي عسى ربي لا يحرمني منه يدور من دار لي دار يصحينه من النوم وقول عسى عيدكم يتبارك
اخواني سندي في هالدنيا كل واحد كاشخ بدشداشه العيد
الي ناسف القترة و كاشخ فيها
و الي متوهق مو عارف شلون يسويها
و الي معترض و ما يبي يحطها على راسها يقول ان حطيت القتره محد يعطيني عيدية لووووووووول
و عقله يطامر بين واحد و الثاني
وسلامي يفرك ويها توه قاعد من النوم
ننزل يميع نتيمع على السفره
ونشوف طاوله الطعام فيها ذاك الفطور السنع
ذاك الحليب المهيل
و الشاي الحمر الي لين تشوفه تشتهي تشربه
و طبعا ما يصير عيد بدون الدرابيل
و قرص العقيلي
و كورن فليكس بو الديك
و بو الاسد للشباب
و الزيتون و الجبن
و ياحلاه الطماط و الخيار
مع قرص البيض
بس ما انسى وجبتي المفضلة للريوق
توست محمص مدهون في مربى مشمش معاه عصير برتقال
يمي يمي
بالاول ابوي
عيدك مبارك يبا
الله يبارك فيكم عساكم من العايدين و الفايزين
دلي: عيدك مبارك يبا
ابوي: الله يبارك فيك
ملي: يبا عيدك مبارك
عساك من العايدين
ملي: يبا انا قلت لك عيدك مبارك و لا لأ ؟
ابوي : اي قلت
دلي: و انا يبا قلت ؟
ابوي مو توك عايدت علي
و انا اطالعهم و اضحك
خو قولو ا تبون عيديتكم لوووووووووووووووووول
(دلي : اخوي اصغر مني بسنتين و ملي اخوي الثاني اصغر مني باربع سنين اسميهم دلي وملي لانهم دايم يميع عسى الله يحفظهم ان شاء الله )
بعدها ابوي كالمعتاد
يالله ترى تاخرنا على بيت خالتي يالله زتكم بسرعه خلصوا
نعايد على بيت بيت
الشوارع ترحب بالعيد
و الي ما يدري ان اليوم عيد اكيد راح يدري
لين يشوف كل الشباب كاشخين بالدشداشه و القترة و العقال
و اليهال عسى ربي يحفظهم
كل واحد يقول الزين عندي
الي متوهق مو موعارف شنو يسوي بالقترة
و المرتز الكاشخ بالنسفه
رحنا بيت يدي و لا اليهال يتراكضون
عيدكم مبارك و عيدكم مبارك
الي حاط القترة وصاير اماراتي
و الثاني الي حاطيله عقال قطري
بس شيخ الشباب و الله
"عقلتي" كويتي
100%
نافش الريش لحد يكلمني انا اليوم صرت بابا مو حمودي
لووووووووووووووول
عسى ربي يحفهه ان شاء الله
و عساكم من العايدين و الفايزين
اتركم في امان الله *_^
عيدج مبارك وتقبل الله طاعتج
ردحذفوالله يخلي دلي وملي ;)
عاد العيد السنة غير مع اللزمة اليديدة "نبي عيدية"
دعاية الوطني
أذونا فيها الكبار قبل اليهال :)
BookMark
ردحذفهلا و غلا
ايامج سعيده
اي و الله صدقتي اخواني يننوني بهالدعايه يطامرون من مكان لي مكان "نبي عيديه"
سعدت كثيرا بزيارة تلك المدونة الجميلة...
ردحذفوفقكي الله تعالى...
تهنئة عيد الفطر المبارك:
ردحذفنتقدم اليكم باسمى آيات التبريك وازكى الدعوات واحر التهانى وارق الامنيات بحلول عيد الفطر السعيد لعام 1431ه-2010م.
اعاده الله سبحانه عليكم جميعا بالمحبة والود والالفة والسداد واليمن والبركات وتقبل الله صيامكم وقيامكم واعمالكم وغفر ذنوبكم وعفى عن تقصيركم ودفع عنكم كل مكروه... سائلينه سبحانه وتعالى ان يعم الامن والسلام والرخاء على البشرية جمعاء وان يسدد خطاها انه سميع مجيب الدعاء..
السلام عليكم ورحمة الله وبركاته
ردحذفعيدج مبارك وتقبل الله طاعتكم
وكل عام وأنت بخير وصحة وسلامة
وعساج من العايدين الفايزين
أمس حاولت اعلق مرارا وتكرارا بس ماضبط
وأخيرا نفذتي الوصية وحطيتي صورة عقلة
بعذب كرماري بصورته
فديت النسفة الكويتية
ياحلو البابا العنونو لمن شاف
صورته ما قال أبي من هذا
شصرا بشيخونة لمن شافته
*_^
عيدج مبارك
ردحذفتقبل الله طاعتج
..
ابي عيديه خضرا ابي منها 4 ورقات
..
حمود عسل الله يحفظه
اهو محلي الغترة :)
ترى بقت الصورة وبحطها لج اذا دقيتي علي
..
نشيدتج عجيبه
:)
عساج من العايدين و الفايزين ... وتقبل الله منج صالح الاعمال :)
ردحذفاي اوفقج النشيده حلوه :)
و الله طقوس العيد ماكو عليها ..
نتشابه بالطقوس و الحركات ..:)
بس احنا نتهاوش منو يسلم على امي وابوي اول :)
بس ماشاء الله احناواايد فلازم احد سابقنا .. :\
الله يهديج يوعتينا :\ ههههه عواافي يارب :)
حلات الشباب الصغار الي يلبسون الغتره والله ..جنهم معاريس .. الله يحفظهم ..يشوقون ودج تاكلينهم > اجرام ;q
شكرا على هالبوست الي يشرح الصدر :)
قواج الله
ماشاء الله تبارك الله الله يحفظكم لبعض دوووووووم ويسعدكم
ردحذفوكل عام وانتم بخير وعيدكم مبارك
وحبيت اقول اول مرة تعجبني التدوينه بالعامية طلعت رااااااائعه
دمتي بخير
OPENBOOK
ردحذفآمين يا رب العالمين
و عيدج مبارك
و انا الاسعد لزيارتك هذه *_^
خاتون
ردحذفو عليكم السلام و رحمه الله و بركاته
ايامج سعيده
ترقبي
في صورة احلى من هذي راح اعطيج اياها اول ما انداوم عيديه *_^
و لا تشوفين استقبال شيوخه له بس شافها ركض و خرب الكشخه و لا طول اليوم محافظ على توازنه على شان لا تطيح من راسه
لووووووووووول
قياديه طموحه
ردحذفهلا و غلا
ايامج سعيده
تبين عيديه و ارع ورقات خضر
افا عليج عيوني المركبه لج غالي و الطلب رخيص
بس مو جبج تبين تعوضين المكافئه لوووووووووووول
اقولج شي انا رايحه حق اخواني اقولهم يالله كل واحد يعايدني غير الخضره الي مكتوب عليها 20 ما اقبل
لوووووووووووووول
و حلالج صورة عقله
و النشيده اهداء مني لج *_^
~حَدِيـثُ الفَـجْـر~
ردحذفعلينا و عليج ان شاء الله
و اليهال صج ودج تاكلينهم خصوصا اول يوم
noora
ردحذفو انتي بصحه و سلامه
تسلمين هذا من ذوقج *_^
واااااااااااي فديت عقله ...
ردحذفريال ...خلاص محجوز هالولد ...
ناقص المحمر على السفره ...
وناسه صج عيد عندكم ؛)
زين الزاد
لووووووووووووووووول
ردحذفرديت دشيت مرة ثانيه عشان النشيده :)
..
حجزيلي موعد معاج ,,ترى قمتي تعطينا طاف
يعني تغلين !!!
:)
:)
:)
:)
:)
ابتسمي شرط بدون اعصاب ")
قياديه طموحه
زين الزاد
ردحذفواااااي فديتج و الله
العيد ناقص بس شوفتكم انتي و خاتون و نمولتي
ولهت عليييكم
و على فكرة اصلا احنا ما نحس انع عيد الى اذا نزلنا و شفنا السفره بعينه تقولنا اليوم عيد لوووووول
عيدج مبارك .... عطينا عيديه
ترى عيديتي شوفج و اقبل فيها باثر رجعي لووووول
قياديه طموحه
ردحذفلوووووووووووووووووووول
موعدي معاج باجر ان شاء الله
السلام عليكم
ردحذفما شاء الله عيد مبارك عليك وعلى كل من تحبين
وربي يحفظ لك كل من تحبين يا رب :)