^
^
^
~ السلام عليكم و رحمه الله و بركاته ~
^
^
^
اليوم سوف اشاركم اسبوع من اسابيع الحافلة بالتلوين و التقصيص و الاشغال اليدويه *_^
^
^
في بداية الكورس الصيفي عرضت علينا الدكتورة عده انشطه اختيارية بحيث نحصل بالمقابل على bonus ( درجات زياده)
^
و من ضمن هذه الانشطة عمل مجسم عن الكروموسوم و مجسم آخر عن DNA مع اهم الاجزاء التي يحتويها
^
^
طبعا انا تحمس لهذي الفكرتين بما اني احب الاعمال اليدويه و دخلت على اكثر من موقع حتى توصلت الى طرق سهله و تبين اهم الاجزاء الاساسية
^
البداية بديت بمجسم DNA و حرصت على عده نقاط
^
ان يكون المجسم يحتوي على كل العناصر الاساسية ( الفوسفيت و السكر بالتتالي و يرتبط بالسكر القواعد النايتروجينيه و حرصت على ان كل جزء يقابله الجزء الصحيح المقابل و حطت بينهم الروابط التساهميه بعد )
^
^
^
^
^
و خليته يكون double helix بعد
^
^
^
^
توجهت بعد انتهائه فرحه الى الكلية و متجهة مع خاتون الى مكتب الدكتورة اذ بنا نصادفها بالمصعد
انا فرحه دكتورة بسلم مجسم DNA
اذ تنظر اليه و تقول: بس انتي ما ناقشتيني فيه
انا انصدمت !!!
قلت دكتورة انتي ما قلتي لنا انقاشج بالمجسم
الدكتورة: بلى قلت الحين انتي تعتبرين سلمتيه و راح اشوفه و انقصج عليه ان في اي غلط
المهم ان دخلنا الكلاس و بدينا في اختبار قصير بداية المحاظرة
اذ بالدكتورة تتوجه الى ناحيتي و تقول ممكن اشوفه
انا ابتسم و اقول اي اكيد تفضلي
بعد المحاظرة رحت لها
ما خلت لي اي مجال اني اتكلم او اني اناقشها بالي سويته
على طول اسألت: الروابط تتبطل ؟؟
انا: لا
الدكتورة : شفتي شذي ما راح تاخذين درجتج
انزين وين الفوسفيت و ووين السكر
انا: كاهم هني
الدكتور: اممم ملونتهم بس انتي المفروض تطلعين الفوسفيت شوي عن السكر
شذي ما راح تاخذين الدرجه
^
^
انا بضحكه لا شعورية قلت لها دكتورة انتي الحين ما شفتي صح و سحبت المجسم
قالت علشانج بسوي روحي مو شايفته و الحمد لله صارة لي فرصة ثانيه
^
رحت لي مكتبها و ناقشتها بالمجسم و قالتلي ان لازم اسويه مثل الاول لكن لازم اطلع الفوسفيت عن السكر و لازم اخلي الروابط تتبطل و لازم على الاقل احط 14 رابطة على ساس تكون لفه كامله و لازم احطه في استاند و لازم هالاستاند اقدر اتحكم في بحيث اقدر اطلع منه DNA و ارد ادخله بسهوله
^
^
شروط
تعجيزيه صح ؟؟!!
^
لكن الي يحاول ما يفشل
^
و على قوله ابوي كثر ما تتعبين يا بنيتي راح تحصلين ان شاء الله
^
فبدأت محاوله تلوه الأخرى و فشلت في اكمل مجسم DNA مع هذه الشروط التعجيزية و أجلت مجسمDNA حتى اشعار اخر و انتقلت الى مجسم الكروموسوم و سويت مثل ما قالت لي بالضبط و حاولت اني اخليه علمي 100%
^
^
هذي صورة الكروموسوم بالنت
^
^
و هذي صورة الكروموسوم الي انا سويته
^
^
طبعا في هذه الفترة صرت شريرة شوي و اقتنمت فرصه يوم الجمعه يوم الزوارة العائلية و خذت عدتي معاي
^
الخيوط المطاط الي هبوا فيها هبه يسوين فيها اسوار اخذتهم و دخلت داخلهم سيم مال البنيان
و بس دخلت بيت جدي سلمت و قعدت شوي قمت و قلت اليوم يايبه لكم خوش شي
و عطيت كل واحد منهم خيط مطاط و سلك بنيان بطول الخيط طبعا ما خليت لا صغير و لا كبير حتى عمامي عطيتهم و اقعدوا كل و احد فيهم حوالي 30 لي 60 دقيقه و اهم يدخلونه
^
عاد مرت عمي قالت الخدم اليوم وايد عطيهم بعد يخلصونهم لش بسرعه ... انا ما صدقت خبر و رحت على طول للخدم
لازم اونسهم شوي بعد
^
قلت لهم عندي لكم خوش هديه
^
وحده منهم قالت ( انا يبي اثنين )
ابتسمت و قلت افا عليج
^
^
و رحت مشوار صغير و رديت بعد نصف ساعة
^
و الا العمليه تمت و الحمد لله و الكل دخل السيم داخل الخيط
^
و لا عمي تلمع في ذهنه فكرة لتسهيل العملية و اسراعها
اتجه الى ناحيتي قائلا: طموحه خلصتي و لا في بعد؟
^
انا ما صدقت خبر تبي تسوي بعد اي اي في بعد ؟!!
^
قال عندي فكرة ان اندخلهم بسرعه
و اخذ السلك و دهن علي شوي من الزيت و دخله بسرعة داخل الخيط المطاط
^
استانس الخدم على هذه الطريقة و كل وحده تقول انا يبي يسوي بعد
^
عاد وزعت علهم بسرعه قبل لا يغيرون رايهم لوووووووووووول
^
و لا تدخل ( مساري) الخادمه التي
طلبت اثنين في البداية ما ان راتني اوزع عليهم حتى تراجعت مسرعه (قبهااااااا)
^
و انا اقول لها لا صار احسن
^
تقولي روحي هناك انا يقعد ساعه كامله ما يبي خلاص
^
مسكينه سويت لها رعب ( موهاهاهاهاهاها )
^
اضافه الى الكروموسومات طلبت ان نحط صفات على الكروموسوم نفسه و نخليه ينفصل بعد
سويت كل شي مثل قالت لي عنه
و يوم سلمته قالت لي
^
امممممم شغل عدل بس ليش ما خليت لون الصفه نفس لون الكروموسوم
^
انا لااااااااااااااااااااااااااااااااااااااااا ( بس بيني و بين نفسي )
^
بس مسكت نفسي و قلت دكتورة انتي قلتيلي عادي لون مختلف
ردت بسرعه اي بس انا ما كنت ادري انج بتسوينه جذي
^
عالعموم ما راح انقصج على هالشي بس ليش حاطه صفه وحده ليش ما حطيتي اكثر من صفه
^
انا ابتسم و اقول دكتورة انتي الي قلتي صفة وحده
الدكتورة : لا انا قلت اكثر من وحده
انا : يمكن مو حقي
الدكتورة: يمكن على العموم خلي مالج اهني و انا راح اقارن مالج بمال البنات و اذا في احسن منه اقدر درجتج بعدين
^
^
الله المستعان :(
^
^
ارد لمجسم DNA
^
و على طلباتها الشبه تعجيزيه سويت 7 مجسمات بائت النتائج بالفشل
واحد كان حجمه حيل كبيرة و ما قدرت اوديه الكليه
و الثاني استعملت الصمغ الحراري و بمجرد وصولي للكلية قامت اشعه الشمس الذهبية بافساد المجسم باكمله
الى ان توصلت لحل و الحمد لله
^
^
لكن للاسف لم اصوره لكن هذا هو مخطط توضيحي له
دخلت عليها و كان في دكتورة ثانيه عندها
الدكتورة الثانية عجبها المجسم
عاد انا قلت للدكتورة يعني بكسر خاطرها
دكتورة هذا المجسم سويته بعد 7 محاولات فشل
اهي اي لازم اديسون سوا الف محاوله فشل بعدها توصل الى النتائج الصحيحه
انا ابتسم و اقول اي دكتورة و من اخطائنا نستفيد ( صيفي تبيني اسوي الف محاوله ماكو وقت )
و الحمد لله عجبها المجسم و لله الحمد و ما طلعت الاخطاء السبعه الي فيه
على ما اعتقد لان الدكتورة الثانيه امدحته
الحمد لله
^
^
بعد ما خلصت من الجامعه في اشغال يدويه ثانيه
^
بنت خالتي ولدت بالسلامه و يابت بنت فقررنا ان نزورها و نتحمد لها بالسلامه
^
لكن طبعا لازم نودي معانا هديه و بما انها بنت فحبيت اني انا الي اغلف الهديه
^
قلت لامي انها تشتري لها فساتين من mothercare و حرصت على الوان النفانيف انها تكون بدرجات الوردي و الابيض
^
بالبداية صفط الهدوم بطريقة مرتبه
^
^
^
امممم في شي ناقص
^
^
^
^
لون الشريطة مو واضح
^
^
^
^
شذي احسن
^
^
^
^
شنه في شي ناقص بعد
^
^
^
^
شذي افضل
^
^
الحين البقيه
^
^
وقت التغليف
^
^
لازم احط بصماتي
نقدر نضيف على التغليف كرستال
^
^
^
^
و الشكل النهائي
^
^
طبعا غلفت هديتين لبنت خالتي
الهديه الاولى هذي و الثانيه
اختي شرت لها فساتين حلوه لكنهم مو متقاربين بالاوان فما قدرت احطهم مع الهديه الاولى
فحطيتهم في صندوق برتغالي كبير
و حطيت داخله دبين
و رتبت الفساتين بطريقة حلوه و حطيت عليهم شريطه ناعمه و نثرت فوقهم قش بدرجات اللون البرتغالي
و صكيت الصندوق و لفيته بشريطه بنية عريضة لكن للاسف لم اصوره لان الوقت كان شويه
^
^
^
و تم بحمد الله انتهاء الاسبوع الحافل بالاشغال اليدويه *_^
^
اتركم في امان الله
هههههههه
ردحذفاجمل شئ ممكن تمارسه المراه هو الاشغال اليدوية
عمل ممتع ويعلم صبررررررررر وهو ممكن يعني تغلفي لي
هدية هههههه ..... لك اعذب تحية حبيبتي
وربنا يوفقك بكل حياتك وحبيت كثير الصور هنا
السلام عليكم ورحمة الله وبركاته **
ردحذفالحمد لله خوووش شي والله أشك إني أعرفج بالصج !!
ردحذفهههه
كلية العلوم ؟؟
سلمت يمينك خوووش شي
السلام عليكم ورحمة الله وبركاته
ردحذفعجيبه جداً هالدكتورة ...ومثلها كثير ...
لا أدري لماذا هناك بعض المعلمين والدكاتره لا يقتنعون أبداً بأن الطالب قد يفعل ويتفوق ويفعل الشيء الصحيح..دونما مساعدة من أحد ...بل لا بد من الإنقاص ..
اذكر مرة في مادة التعبير أعطتنا المعلمة درسا تعبير نقد لشاعر فكان الموضوع صعب ولم يحضر أحد الدرجة الكاملة ..
وحينما جاءت وصححت تعبيري نادتني ..ولازالت اذكر شكلها وكلامها ..
قالت لي : تعلمين ...أحسن تعبير ونقد هو تعبيرك هل حقاً أنت من كتبته ..؟؟
قلت لها نعم .
سألتني وبدون مساعدة ...
قلت لها نعم .
قالت لي : خيالك خصب ..والحقيقة هو أجمل موضوع ولكن ثم وضعت لي علامة 19 ونصف من عشرين ...
ولا أدري حقيقة أن كان كاملا ومميزاً وأفضل موضوع كما قالت لماذا الإنقاص إذا ..!!!
المهم ذكرتني بها الآن ... شغلك جميل رغم أني لم أفهم شيء من الكرومسات والدنا والأشياء هذه ..
لكن التغليفة والهدية جدا رائعه ومميزة ..أحب أنا أيضا تزيين الهدية فهذا يعطيها ميزة وطابعا خاصاً بل حتى إحساساً آخر .
دمت مبدعه .
الاعمال اليدويه ابداااع
ردحذفدكتورتك هذي الله يصبرك عليها اكره شيء عندي في الحياة اني اسوي شيء ثم اعيده
بالتوفيق لك
الغاردينيا
ردحذفاي اكيد ممكن *_^
تسلمين حبيبتي
Sen
ردحذفو عليكم السلام و رحمه الله و بركاته
تسلمين اي انا من كليه العلوم يمكن تعرفيني ما ادري و الله كل شي جايز
امممممم الحين اخليج بحيرة انا منو لوووووول *_^
ولاء
ردحذفوعليكم السلام و رحمه الله و بركاته
اي و الله طلعت الشيب من راسي هالدكتورة امي تقولي خلاص فتحيلج معمل بالبيت بس الحمد لله على كل حال
تسلمين حبيبتي من ذوقج
اما بالنسبه للكروموسومات فهي الي تنقل الصفات الوراثيه من الاباء الى الابناء و يكون داخلها الماده الوراثية DNA
ان شاء الله اكون عطيت تعريف بسيط عنها
*_^
مبدعه
ردحذفالله يعطيها العافيه معطتنا بونص و نتحلطم لووووووووول
بس بونص يهد الحيل
لازم تعيدين بالتكرار تتعلمين من اخطائج مثل اديسون الي غلط الف مرة بعدين توصل لحل
*_^
طموحه ترى انا بكلية العلوم !! هههههه
ردحذفالحمد لله بس احلى نظل علاقة الكترونيو وناسه !!
ولا انا غلطانه ؟؟
ماشالله ابداع
ردحذفبس انا عطيتج براءة اختراع من شركتي الوهميه الموقرة
على الرغم من دكتورتج وطلباتها التعجيزيه الا ان انتي قدها يا طموحه
..
الهديه كيوت ماشالله ذربه
..
طلعتوا انتي وسين تعرفون بعض
خخخ
دربج وردي يا طموحه
:)
enshallaa u will A student
وااي ماشاء الله شغل رائع
ردحذفمبدعه عافاك ربي
وحلو الشغل اليدوي
والله يوفقك بالجامعه
وعوقبال الدختوراة^_^
دمتي
Sen
ردحذفصج خوش صرتي من ربعنا
علاقه الكترونيه ام واقعيه كلهم حلوين
حياج الله دووم *_^
فياديه طموحه
ردحذفان شاااااااء الله الله يسمع منج و انتي بعد فالج A ان شاء الله
و انا ما اقبل شهايد من شركات وهميه لازم تكون معترف فيها و لا لأ لوووووول
*_^
زٍحَ’ـمةَ حَ’ـڪيّ..||≈
ردحذفشكرا
شكرا
شكرا
الله يسمع منج ان شاء الله و لج بالمثل باذن الله *_^
يه يه طلعتي فناتق :)
ردحذفذكرتيني بالبيولوجيا كنا ناخذها مادة اختيارية
بس بدون مجسمات ;)
وعليّه الخدم طلعتيلهم شغل ثاني ^_^
تسلم ايدج :)
BookMark
ردحذفشفتي شلون
انا مو يننتهم صارو كل ما يشوفوني ينحاشون مني العاده يحبون يسلمون علي حتى السلام ما قامو يسلمون لووووووووووووول
تسلمين *_^
السلام عليكم و رحمة الله و بركاته
ردحذفيعطيج الف عافية على مجسم الدي ان اي
صج تعبتي فيه وايد و ما بين بالعين تصدقين عاد انا عجبني اول واحد اكثر و كان حده علمي بس الدكتورة تبي عليج الزلة و أسم الله عليها صوت القطوة مبدعة حتى الدكتورة مدحت كرومسومها و قالت احلى من مال خاتون عليها بالعافية تعبت و تستاهل البنت
و شكله يبيلة تفتحين لج محل تصميم مجسمات تربحين
و شراكة انا وياج انت تشتغلين و انا اقبض بعد ما في احلى من هالشراكة و إلا شرايج؟
عندج تلفوني ردي لي خبر إذا اعجبج العرض
خخخخخخخخخخخخ
و عليكم السلام و رحمه الله و بركاته
ردحذفالله يعافيج حبيبه قلبي
اي و الله حتن انا مو مقتعنه بالثاني كثر الاول من شذي ما صورته لووووووووووووووول
بس الحمد لله ان عجبها
فكرة المحل شكلها حلوه و بما اني فاشله في تحديد السعر و القبض فالشراكه معاج تكون احلى شي و عليج بالعافية
*_^
حبيبي ايش الادوات الي استخدمتيها بالاول , لان عندي مشروع نفسو بالزبط و مو عارفة الادوات ي ريت تقوليلي الادوات و شكرا 3>.
ردحذف